ESCRITORIO DE VERANO

Co programa de actividades interactivas "Escritorio de verano" o Portal Educativo da Junta de Castilla y León pretende manter o contacto cos escolares que deixan as aulas nas vacacións e ofrecerlles “lecer educativo” pensando en todas as idades. Hai 3 zonas diferenciadas por etapas educativas, con gran variedade de actividades e pasatempos para que poidan visitarse todos os días de verán sen esgotarse nin perder interés. Polo de agora aínda non dispoñemos do "escritorio" deste ano pero xa podedes ir practicando cos de anos anteriores:

COLLAGE

Bueno, pois MIK está empeñado en que este verán o pasedes requetebén na súa compaña polo que anda a "navegar" na procura de cousiñas interesantes e divertidas para vós. Hoxe "pescou" esta pizarra onde poderedes dibuxar libremente ou crear as vosas composicións empregando os elementos das súas galerías de imaxes. Probade e veredes que obras de arte tan chulas sodes capaces de facer. MIK xa fixo o cadro de abaixo, ¿a que vos gusta? ESTE MIK É UN ARTISTA!! E vós?

Para empezar preme en COLLAGE/EDUC.AR

PARA AS VACACIÓNS

Xa chegan as vacacións, os xogos, a praia e moito tempo para o lecer... Tamén podes pasar uns bos momentos cos teus amiguiños POCOYO, LOS LUNNIS, LA ABEJA MAYA, CAILLOU, DORA LA EXPLORADORA ou VICKIE EL VIKINGO. En CANAL CLAN podes atopalos a todos, ver os seus vídeos e xogar con eles, imprimir os debuxos dos personaxes e colorealos...Vídeos, xogos e concursos para pasalo pipa!! UNHA MOREA DE ACTIVIDADES DIVERTIDAS!!

IR A CANAL CLAN



Máis suxestións para pasalo pipa AQUÍ e AQUÍ

A TÚA HERDANZA

No noso centro estase a realizar unha campaña de normalización da lingua, promovida polo ENDL, baixo o lema "DÉIXALLES AOS TEUS A LINGUA QUE TI HERDACHES". O alumnado do 2º e 3º ciclo elaborou uns carteis que reflicten esta idea e onde deixan patente a súa creatividade e orixinalidade. Eles sábense beneficiarios dunha grande riqueza, a nosa lingua, e así o queren transmitir nos seus traballos:

¡¡PARABÉNS, NENAS E NENOS, POR TAN ESTUPENDO TRABALLO!!

(Publicado tamén en O recanto de Mik)

COPIAR E PEGAR

FOMENTO DA LECTOESCRITURA: O NOSO CONTO

Por fin xa temos nas nosas mans o conto colectivo realizado polo alumnado do noso centro. Hai que recoñecer que contamos cuns estupendos escritores e ilustradores como se demostra con este precioso relato que foi percorrendo todas as aulas do colexio e onde cada curso deixou o froito da súa creatividade. PARABÉNS por este marabilloso resultado!!
Xa sabedes que tendes un exemplar á vosa disposición na biblioteca, na sección "Producción propia".

(Preme na imaxe para ver o conto, despois fai clic enriba da páxina se queres ampliala)

IMOS PRACTICAR

Hoxe toca poñer as pilas!!
Aquí tendes unhas actividades moi divertidas para practicar con euros e averiguar as cantidades que faltan. Hai que pensar un pouquiño pero axiña serás un expert@

ADICADO AOS NENOS E NENAS DE 1º CICLO

SOÑOS E PRIMAVERA

SUEÑOS DE LA PRIMAVERA

Seguramente xa sabías que a primavera é unha época do ano tan fermosa que é capaz de inspirar a escritores, pintores e músicos as obras máis admirables. Coa súa luz, coas cores, coa paisaxe, provócanos sentimentos alegres e convídanos a soñar... Diso trata o poema-nana que nos trae Andrea Ferreira, de 4º de EP, da primavera e de soños.

DISFRÚTAO!

(preme na imaxe para ampliar)

COMPROMISO EDUCATIVO

Estamos moi contentos porque Blogmaníacos ven de nos conceder un precioso premio que outorga o blog loquelegustaamishijas.com
Este premio ten como obxectivos recoñecer:
1º O compromiso cunha educación de calidade.
2º A aposta pola inclusión das Tics na aula.
3º O recoñecemento ao esforzo de toda a comunidade educativa por incorporar as Tics ao proceso educativo.
4º A loita por defender a través do ensino valores como: Solidariedade, Respecto, Axuda, Apoio, Esforzo, Compartir, Amor e Compromiso co futuro dos nosos alumn@s.
5º Recoñecer e valorar o esforzo das familias, profesionais e centros educativos, por integrar de forma efectiva nos centros e na sociedade aos nen@s con necesidades especiais, procurándolles toneladas de amor e posibilitándolles todos os recursos ao noso alcance.
Este premio pódese repartir a outros blogs que se considere que están nesta liña.
As normas da repartición son:
1º Publicar entrada cos obxectivos do premio
2º Publicar no blog a lista de blogs aos que se lles entrega o premio.
3º Comunicar a cada blog premiado a concesión do premio.

Nesta ocasión imos pasar o premio de xeito colectivo porque pensamos que se trata dun grupo que cumple sobradamente as condicións requeridas e son un exemplo de COMPROMISO EDUCATIVO:

- Blogs de bibliotecas escolares de Galicia

MADRIÑAS E PADRIÑOS LECTORES

O día 23 de abril, Día mundial do libro e do dereito de autor, levamos a cabo unha preciosa actividade que demos en chamar "madriñas e padriños lectores". A historia xa comeza no día anterior cando os padriños e madriñas se presentan nas aulas de Infantil e 1º ciclo de Primaria aos seus "afillados" e concertan para o día seguinte a cita lectora. O patio do recreo encheuse de lectura, de maxia, de fantasía...
Os adultos observabamos o espectáculo marabillados...

Tamén podedes ver a crónica no blog de Ubaldo
Ver fotos AQUÍ