TI TAMÉN CONTAS: poemas

Mostrando entradas con la etiqueta poemas. Mostrar todas las entradas

15/5/12

OS POEMAS DE ALBA

Alba Román, de 3º de EP, escribiu dous simpáticos poemas. Verás que divertidos (preme na imaxe):

8/6/11

POEMANDO...

Tamén os nenos e nenas do 2º e do 3º ciclo crearon e ilustraron fermosos poemas. Aquí os tendes para que disfrutedes igual ca min coa súa lectura:

Open publication - Free publishing - More poemas

6/6/11

MÁIS VERSOS

Seguro que che gustaron moito as poesías de Infantil, a que si? Pois agora podes ler as que fixeron os nenos e nenas do 1º ciclo, que tamén son uns fantásticos escritores/as e ilustradores/as:

Open publication - Free publishing - More poemas

5/6/11

Pronto estará na nosa biblioteca o libro de poemas que elaborou o alumnado do centro para a actividade de creación escrita "Somos poetas".
Para que vaiades facendo boca aquí vos deixo os fantásticos traballos dos nenos e nenas de E. Infantil. XA VEREDES COMO VOS GUSTAN TANTO COMO A MIN!!

Open publication - Free publishing - More poemas

26/4/10

¡AQUÍ ESTÁN OS DE INFANTIL!

E por fin aquí están as agardadas poesías do alumnado de Educación Infantil. Fixeron uns traballos estupendos e seguro que vos van gustar moito. Lede, lede... (preme nunha das páxinas para agrandalas)

20/4/10

AS NOSAS POESÍAS II

¿Gustáronvos as poesías de primeiro? ¿A que son chulísimas? Pois veredes agora o que fixeron os nenos e nenas de terceiro. ¡Seguro que vos van encantar! (preme nunha das páxinas para velas en grande)

17/4/10

AS NOSAS POESÍAS I

Xa temos a proba de que os nenos e nenas do noso centro son uns auténticos poetas. Dende que Mik lles propuxo facer rimas e poesías non pararon e fixeron traballos ben bonitos. Aquí tendes os de 1º de Primaria (preme nunha das páxinas para velo en grande):

¡¡PARABÉNS!!

31/3/09

GÚSTANOS A POESÍA

Para conmemorar o Día Internacional da Poesía, os nenos e nenas de 1º de EP estiveron traballando con algúns poemas dos nosos escritores: memorizaron, ilustraron e recitaron para outros alumnos do cole. Despois, como auténticos artistas, grabaron para ofrecer uns intres de lecer a todos vós, e que disfrutedes escoitando o mesmo que eles disfrutaron preparando este recitado colectivo.
Esperamos que vos guste:

5/10/08

AS CORES DO OUTONO

E seguimos co outono...
Cada vez refresca máis, os días son máis curtos... pero a natureza compénsanos cunha paisaxe chea de luces, de músicas, de cores, de cheiros...

E AGORA UN POUQUIÑO DE POESÍA:

Don carballo chora landras

na amencida.

E don Outono baballa

néboa fría.

Don Labrego, de sombreiro,

aplaude a don Castiñeiro

con variña de abelaira.

E don Ourizo da chaira,

como non se ten coa risa,

cáenlle dentes de castaña.

HELENA VILLAR E XESÚS RÁBADE."Dona e Don" Árbore-Galaxia

POEMAS E ADIVIÑAS DO OUTONO

21/4/08

DÍA DO LIBRO: O MAR EN VERSO

Dentro das actividades programadas para o Día do Libro, os alumn@s do Centro traballaron diferentes poesías de tema mariño, unhas de creación propia e outras de diferentes autores. Cada grupo expresou plásticamente o contido dos poemas para elaborar un libro xigante que está exposto na Biblioteca. Aquí tendes o resultado:

14/4/08

O NENO DE AUGA SALGADA

O seguinte poema foi recollido, xunto coa imaxe, na bitácora Homes de pedra en barcos de pau, que pertence a unha persoa moi vencellada ao mar, tanto pola súa profesión como polo seu sentir. Recoméndovos que visitedes ese blogue, onde atoparedes moitas cousas interesantes relacionadas co mar e as súas xentes, lendas, viaxes, poesías... Aquí vos deixo unha mostra:

O NENO DE AUGA SALGADA

Auga salgada percorre

As entrañas do seu corpo,

Herdanza dos seus ancestros

Por el submiso acatada.

...

Naceu un día de outono

Cando a mar estaba brava,

A brétema e os salseiros

Salpicáronlle a faciana.

O vento forte de oeste

baixo a fiestra ululaba

unha tebrosa salmodia

que a voces semellaba.

...

-Vente con nós, picariño,

mais aló da última praia,

onde non se vexa terra

será a nosa morada.

Ondas de marfil e prata

abalaran túa cama.

Eu ei cantarche quediño

O teu carón unha nana.

...

Cantiga de branca escuma

Cantiga de areas brancas

Cantar das bátegas cheas

Cantar das ondas mais bravas;

Cantar para o picariño

Do sangue de auga salgada.

Homesdepedra

9/4/08

OS CONTOS DO RECANTO

Os autores e autoras de “Os contos do Recanto” son os nenos e nenas do Ceip Mestres Goldar, que durante o curso 07/08 escribiron e ilustraron, na meirande parte, os seguintes relatos e poesías. Esas creacións foron publicadas no blogue da Biblioteca “O recanto de Mik” , de aí o título do libriño que agora editamos en soporte papel pola conmemoración do Día Internacional do Libro.
Tamén foron aparecendo neste blogue.

Esperamos que esta experiencia sirva de incentivo para que o noso alumnado nos siga agasallando cos froitos do seu maxín e que este volume sexa o primeiro dunha longa colección.

Grazas a tod@s.

Mik.

(Preme en OPEN PUBLICATION)

7/4/08

POEMAS DE PRIMAVERA

Xa está aquí a primavera e con ela chegan novos poemas dos alumn@s do noso Centro. Alba Crispín, de 5º de EP, sentiuse inspirada polas xoaniñas, pequeniñas, feiticeiras, arroladas polo vento cando dormen nas flores...

(Pica na imaxe para ampliar)

O cotidiano tamén pode ser obxecto de creación poética, como demostra novamente Alba Crispín, que adica unha poesía a Sita, unha fresa que sabe que acabará no fruteiro dun fogar...

(Pica na imaxe para ampliar)